Question 1

Kvar held Invertapro til?

Accepted Answer

Invertapro er på Voss, adressa er Bjørkemoen 46

Question 2

Korleis føregår produksjonen?

Accepted Answer

Insektene bur innandørs i kasser, stabla i høgda. Invertapro har utvikla ein måte for å stabilisere mat utgått på dato og restråstoff frå ulike matprodusentar, og gjere det om til eit trygt og næringsrikt substrat for larvane. Ein robot doserer substratet i insektkassene. Larvane er på sitt mest næringsrike akkurat før dei går gjennom metamorfosen, der dei vert transformert til biller. Det er då me haustar dei, og lar omtrent 95 prosent bli til produkt. Dei siste 5 prosentane vert til biller som skal legga egg for å få nye larvar.
I innhaustinga går ein gjennom fleire steg for å separere larvane frå frass som skal bli til gjødsel. Larvane har også eit steg utan mat for å kvitte seg med all resterande frass. Fordi insekta ikkje prøver å halde ein viss kroppstemperatur, er den mest skånsame måten å avlive dei på å fryse dei. Dei vil då berre sakte gå inn i det som kjennes ut som ein vinterdvale.
Etter dette blir både larvar og gjødsel prosessert for å lage ferdige produkt.

Question 3

Kvar får de substrat frå?

Accepted Answer

Det varier med sesong og samarbeid, men dei mest stabile kjeldene er samarbeidet med BIR, som hentar mat utgått på dato frå butikkar og kjøken i nærområdet, i tillegg til restar frå kornproduksjon og møller.

Question 4

Hentar de insekt i naturen?

Accepted Answer

Nei. Alle insekta våre kjem frå klekking og reproduksjon i eigne produksjonslokale.

Question 5

Kva insekt-art brukar de?

Accepted Answer

Me har Svart soldatfluelarver.

Question 6

Kva gjer produksjonen så berekraftig?

Accepted Answer

Insektproduksjon er berekraftig på fleire måtar.

For det første har insekt ein høg fôrkonverteringsrate. Det vil seie at dei er veldig effektive til å vekse og gjere substrat om til nye, verdifulle protein.

For det andre treng dei lite plass, lite vatn, ingen sollys, og kan bli stabla innandørs høgda. Det betyr at ein kan produsere mykje protein utan å bruke matjord.

For det tredje kan dei ete nesten kva som helst. I naturen bryt dei ned døde planterestar og liknande, men dei veks fortare med meir næringsrike substrat. Dette opnar for at ein kan utnytte eit hav av tilgjengelege ressursar i dag, og på lengre sikt, når samfunnet kanskje er betre til å utnytte restråstoff, vil larvane kunne utnytte nisjar, som restar frå trevirke eller restar frå dyr (som det i dag ikkje er lov å fôre til andre dyr på grunn av fare for sjukdommar). Ein har til og med funne at larvar frå mjølbille kan ete plastikk! 
Dette er dessutan det som skil Invertapro frå andre insektprodusentar. Invertapro er spesialistar i å utnytte restråstoff, ved at me har utvikla ein eigen metode for å stabilisere tidlegare næringsmiddel og fôre det til larvane.

For det fjerde er produserer me gjødsel av larvelort, så ingen ressursar går til spille i vår produksjon.

Til slutt jobbar Invertapro med å etablere ei større industriell symbiose med andre aktørar, som kan gjere vår produksjon og andre næringar endå meir effektiv.